بقلم-محمود فؤاد:
بحكم عملي عضو مجلس اداره بمستشفي نفسي كبير وباسمع من أصدقاء أحوال مستشفيات اخري
بشوف من شهور زيادة في إعداد المكتئبين اغلبهم شباب صغير .
أتكلم مع كتير منهم وعرفت حاجات كتير عنهم ٩٠٪ من شعورهم بالاكتئاب أو الاغتراب وده راجع للمجتمع وطريقه التربية والقمع المنزلي والقاسي حولنا .
وبسبب تفاصيل الحياه اليومية والاستبداد الذي يبدأ من البيت والجامعة . مفتكرش شوفت حد عنده بعد سياسي أو رياضي أو علاقات متعددة بأصحابه أو دخل سينما في يوم !
سالت كتير ليه شاب معندكش علاقه ب فتاه تتفسح وتنبسط وتحلم تبني بيت صغير .صحيح إجاباتهم تنم عن خوف مفرط من الآخر بس في احساس دايما ان حقه مهضوم فيالحياه وسيكون في الحب !
أي مرض له علاج أو وصفه طبيه لانك بتقدر وطبيبك يحددوا السبب . لكن المرض النفسي اصعب وقد يتطور لافعاله خطره ان ارتبطت بكره المجتمع !
المجتمعات التي يكثر فيها الامراض النفسيه جرس إنذار شديد لينا جميعا ومفيش فرق ان تكتئب من ابوك أو حكومتك .
انا مش متخصص بس افتكر ان ثوره التكنولوجيا ورتم الحياه السريع وقله الرزق وعدم وحود فرص والديكتاتورية من الأب والأم والنظام وعدم وجود مشروع مجتمعي كبير هو السبب.
