بقلم د محمود عبد المجيد
لازم كل الناس تاخد تطعيم ضد الكورونا ..
أى تطعيم ..مش مهم ..
#الصينى ..
#أسترازينيكا ..
#الروسى ..
#جونسون #آندجونسون ..
أى تطعيم ..أى تطعيم ..
التطعيم مابيمنعش الإصابة بفيروس الكورونا ..
التطعيم بيمنع الإصابة بالمرض الشديد الناتج عن الإصابة بالفيروس ..
يعنى المريض مابيحتاجش يدخل المستشفى وطبعا مابيدخلش الرعاية المركزة ..
وببتعالج فى البيت ..
زى الأنفلونزا البسيطة ..
التطعيم مفيد حتى ضد التحورات فى الفيروس دلتا وأخواتها ..
الكلام عن مضاعفات التطعيم كلام مبالغ فيه جدا جدا ومابيحصلش إلا لنسبة ضئيلة جدا من المتطعمين ..
زى نسبة حوادث الطرق ..
هل يجوز إننا مانمشيش فى الشوارع عشان فيه ناس بيحصل لها حوادث ؟؟!!
والأعراض الجانبية بسيطة عبارة عن ..
إرتفاع فى درجة الحرارة .. وآلام فى الجسم ..
ومكان الحقن..
لمدة يومين بالكتير ..
ومافيش موانع للتطعيم غير..
-للى تحت ١٨ سنة ..
-والحوامل ..
-والمرضعات ..
-والمرضى اللى بياخدوا علاج للأورام فى وقت التطعيم لكن قبل بداية العلاج أو بعده بفترة بسيطة (يحددها طبيب الأورام ) ممكن ياخدوه ..
*والناس اللى عندهم تاريخ حساسية شديدة من الأدوية أو الأمصال أدت لدخول المستشفى أو تناول حقن أدرينالين أو كورتيزون ( مش مرضى الحساسية البسيطة )..
هما دول بس اللى ماياخدوش التطعيم ..
صدقونى..
التطعيم هو الحل ..
