بعد تزايد الحالات.. تحويل مستشفتي القاهرة الفاطمي والزيتون ومعهد الكبد إلى مستشفيات فحص وعزل لمرضى كورونا

اصدرت وزيرة الصحة امس قرارا بتحويل معهد الكبد ومستشفى القاهرة الفاطمية ومستشفى الزيتون التخصصى لمستشفيات فحص وعزل لمرضى كورونا، وتم تحويل الحالتين الذين كانوا بالمعهد كان إلى ستشفى احمد ماهر.
وقال د.السيد إمام، استشاري الكبد والجهاز الهضمي والمناظير والأمراض المعدية بالمعهد القومي للكبد بالقاهرة، انه تم امس تحويل المعهد القومي للكبد بالقاهرة ، والذي أشرف بالعمل فيه إلى مستشفى عزل لعلاج حالات كورونا ، وتم إخلاء حالات الكبد والجهاز الهضمي بالكامل من المعهد، مشيرًا إلى أن معظم المستشفيات ستصبح أماكن عزل بسبب كثرة الحالات ، حيث يتم استقبال يومياً ما يزيد عن ٥٠٠ حالة، وان سيتم تقييم الحالات إلى الاتي:-
_ الحالات الإيجابية البسيطة بدون أعراض سيتم عزلها في المنزل واعطاءها والعلاج مع المتابعة، وهذا اصبخ أمر واقع .
_ الحالات ذات الأعراض والمتوسطة سيتم عزلها في المستشفى من ٧-١٤ يوم حتى ظهور نتيجة المسحة الثانية وتكون سلبي.
_ الحالات المتطورة يتم متابعتها عن قرب أو حجزها بالرعاية المركزة.

– الموضوع أصبح أمر واقع ، دون تهوين أو تهويل أو طمأنة كاذبة، والمطلوب مننا الاتي :
_ ممنوع النزول إلا للضرورة القصوى .
_ ممنوع النزول إلا للضرورة القصوى.
_ مممنوع النزول إلا للضرورة القصوى.

_ لبس كمامة من أول ما تطلع من بيتك لحد ما ترجع.
_ متلزقش في حد أيا كان .
_ تشرب سوائل وعصائر كتير.
_ فيتامين سي وممكن د.
_ تغسل ايدك بالماء والصابون كل شوية.
_ أول ما ترجع بيتك تدخل الحمام تغير ملابسك وتاخد شاور
_ ممنوع لمس الأنف والفم إطلاقا.
_ مفيش زيارات دلوقتي إطلاقا احمي نفسك واحمي غيرك.
_ الناس إللي لسه بتستهبل وواخدة الموضوع تهريج ، اتقوا الله في. أنفسكم وفي الآخرين لو اتصبت وانت مستهتر ده اسمه قتل نفس .
_ خلوا بالكم إحنا كدكاترة محدش بيتعمل لينا مسحتين زي الأول ، وكل واحد فينا هو ورزقه.
_ لو حد ظهر عليه أعراض مثل :
(سخونية _ كحة_ تكسير بالجسم _ همدان ……)
👈متروحش في أي حته حتى تستشير طبيب الباطنة أو الحميات أو المتوطنة أو الصدر ، وهو هيقيم حالتك بالتليفون أو الواتساب ويقرر هتعمل ايه .
👈محدش ينزل يروح عيادة دكتور وعنده اشتباه ، خليك في بيتك وكلم الدكتور علشان لا قدر الله لو طلعت ايحابي متنقلش العدوى للآخرين.
👈لو طلعت ايحابي وتم عزلك سواء في البيت أو أحد مستشفيات العزل ، متقلقش الموضوع بسيط إن شاء الله وفي الأغلب هتخف وتطلع سليم .

👈ممنوع منعاً باتاً التنمر أو السخرية أو الاستهزاء ، أو الشماته من أي مصاب ، لأن ممكن ربنا يعافيه ويبتليك.