خروج آخر مريضة فرنسية من مستشفى العزل بالنجيلة
كتب – احمد عبدالوهاب
أعلن الدكتور محمد علام نائب مدير مستشفى النجيلة عن خروج اخر مريضه فرنسية من المستشفى بسلام بعد مده وصلت لشهر ، بعد تعافيها من فيروس كورونا.
ونشر صورة لممرضة من المستشفى بصحبة المريضة عبر صفحته على فيس بوك، وعلق قائلا:” ممرضه مجتهده ومحترمه من فريق تمريض المستشفى الابطال”.
وأضاف :” عاش ابطال النجيله من اطباء لتمريض لفنيين لعمال عقبال لما نحتفل باخر مريض مصرى يخرج من مستشفيات العزل “.
وتابع قائلا: “تفاءلوا الناس بتخف كتيييير جدا طالت او قصرت المدة الناس بتخاف وان شاء الله بيكم نقدر نخلص من الكابوس دة بدرى”.
وناشد المواطنين :” الزموا بيوتكم قدر المستطاع ده بيقلل من انتشاره امنوا بعض متكحوش وتعطسوا بدون مناديل البسوا كمامات فى الزحمه ابعدوا عن بعض مسافه امان وانتم بتتكلموا بدون كمامه “.
وأضاف :” بلاش دعوات البعض ان الحظر انتهى ونعيش حياتنا براحتنا ممكن ميحصلكش حاجه بس بسببك واحد تانى يموت”.
