30 تصريح لوزير التعليم العالي بشأن فيروس كورونا في مصر
قال وزير التعليم العالي والبحث العلمي، خالد عبدالغفار، في كلمة له خلال افتتاح الرئيس السيسي المرحلة الثالثة لمشروع بشاير الخير بالإسكندرية، إن الحكومة تعمل منذ بداية أزمة فيروس «كورونا» بشكل مؤسسي في تنسيق كامل بين كل أجهزة الحكومة وكذلك هناك تنسيق علمي وأكاديمي في إدارة الأزمة.
ويقم موقع صحتك 24 ابرز ما قاله وزير التعليم العالي بشأن فيروس كورونا:
1. الحكومة بتستخدم الاقمار الصناعية لرصد تحركات المواطنين لتقدير التزامهم بالتباعد الاجتماعي (و ده نفس اللي بتعمله Google و Apple بس من خلال تتبع اجهزة الموبايل)، وبناءا عليه بتتخذ قرارات زي زيادة ساعات الحظر
2. نماذج الNowcasting والForecasting موجودة بالفعل و بتستخدم حكوميا
3. طلعوا بيقيسوا نسبة التضاعف بالفعل، بيسموها معدل النمو، وكمان بيقيسوها يوميا مش اسبوعيا و ده احسن بكتير
4. بيستخدموا SIR موديل و نماذج وبائية اخرى
5. بيحللوا ال R0 كمان، اللي بيقيس قوة الانتشار، نسبة الR0 في العالم ٢.٨ و ف مصر اقل من كده وبتوصل ل ١.٤ و الرقم اللي نتمناه هو ١. و احنا في طريقنا للرقم ده بالفعل، و ان انخفاض معدل النمو هو المؤشر اللي بيدلنا على قرب نقطة التعافي (بالمناسبة انچيلا ميركل هي اول مسئول حكومي يتكلم عن اهمية النسبة دي في العالم، و اعتقد مصر اول بلد في المنطقة تناقشها)
6. مش بيعتمدوا على الدالة الأسية Exponential curve لكن بيستخدموا دالة تانية Logistic Curve
7. يُتوقع ان نصل ال ١٥ الف حالة بحدود يوم ٢٢ مايو (انا كنت قولت ١٤٧٠٠)
8. يتوقع ان نصل الى ٢٠ ألف حالة بنهاية الشهر (متفق معاه تماما)
9. بنهاية الازمة قد نصل الى رقم مابين ٣٤ الف الى ٤٠ الف حالة. ٢٠ الف لحد الذروة، ثم ٢٠ الف اخرى حتى انتهاء الجائحة
10. في الإسبوع التاني من يونيو، من يوم ٧ يونيو الى ١٠ يونيو قد نبدأ ان نرى انخفاضا في الحالات الجديدة
11. قد نصل لنقطة النهاية تماما و اعلان انتهاء الجائحة في النصف التاني شهر ٧
12. مانخافش من زيادة الارقام طالما بتزيد في حدود المتوقع
13. معدل التضاعف بينخفض بمرور الوقت، فا حتى مهما كانت الارقام بتزيد، فا معدل النمو نفسه بيقل بمرور الوقت
14. ارقام ١١ و ١٢ و ١٣ مايو كانت اقل من المتوقع، لما الاعداد نزلت الاسبوع اللي فات ده ماكانش هبوط المنحنى زي ما الناس كانت فاكرة، حتى إنه اعقبها ارتفاع جديد لحد مانوصل لنقطة الذروة ف يونيو
15. تحليل عدد الوفيات اهم بكتير من تحليل عدد الحالات
16. أكد إن نسبة الوفيات بتنخفض بمرور الوقت
17. و ذكر إن ادق تحليل لنسبة الوفيات هو عدد الوفيات لكل مليون نسمة
18. مافيش دولة في العالم عندها ارقام حقيقية، مافيش دولة عندها حصر كامل، مافيش دولة تعدادها كبير عندها mass testing لكن احنا في مصر اختارنا اسلوب الاختبارات الموجهة للمخالطين (وبالمناسبة دول كتير بدإت تتحول للاتجاه ده اول ماوصلت للذروة)
19. اتكلم عن الحالات الصامتة اللي معندهاش اعراض و اللي بسببها مانقدرش نعرف العدد الحقيقي
20. مازالت الحالات الActive Cases اللي عندها اعراض عددها في حدود امكانياتنا
21. امكانياتنا تتدرج كالآتي مستشفيات الوزارة، ثم مستشفيات الجامعة، ثم المستشفيات العسكرية ثم مستشفيات الشرطة
22. نقل الحالات الخفيفة من المستشفيات لمراكز عزل، ساهم بشدة في تخفيف الضغط على المستشفيات و زيادة امكانياتنا
23. لا ينبغي ان نراهن فقط على امكانياتنا، دول اكبر مننا و امكانياتها انهارت، راهن فقط على حماية نفسك و حماية أهلك
24. اكتر من ٨٠٪ من ال active cases لا يحتاجوا رعاية صحية، ١٥٪ محتاجين مستشفيات، حوالي ٥٪ بيحتاجو رعاية مركزة
25. ذكر اقتراح الرئيس انه الصح اننا نقارن نفسنا بدول شبهنا اجتماعيا و ديموغرافيا، ده اكتر دقة
26. قال انه في جدل عالمي بخصوص هل الفيروس ده طبيعي ولا مصنع و مخلق ومتفصل حتة بحتة علشان الشراسة بتاعته و سرعة الإنتشار .
27 – التحليلات دي مش سهلة ابدا ابدا، مجموعتين عمل اشتغلوا على البيانات دي، مجموعة في جامعة Chapman ف امريكا و مجموعة ف مصر تابعة لوزارة البحث العلمي.
28- انتشار كورونا مالوش كاتالوج وصعب جدا تتبعه،
29- ارقام الدراسات دي ممكن تتغير في اي وقت طبقا للي بيحصل على الارض (اي تغيير في النتايج لايعني بالضرورة انه الاحصائيات كانت غلط لكن المدخلات بتتغير).
30- قرارات مجلس الوزراء قايمة اساسا على التحليلات دي بالتعاون بين وزارتي الصحة و البحث العلمي و رئاسة الوزراء.
