اصابة نائب مدير مستشفى النجلية بفيروس كورونا

كتب – احمد عادل

كشف الدكتور محمد علام، نائب مدير مستشفى النجلية فى مطروح، عن إصابته مؤخرا بفيروس كورونا ومرض “كوفيد 19″، مؤكدا أن حالته تحسنت كثيرا بعد مروره مرحلة الخطر.

وقال علام، فى منشور عبر حسابه على فيسبوك: “صباح الخير عليكم وكل أيامكم بخير، ناس كتير انتقدت أن الفترة اللى فاتت وقت كتير بقضيه على فيس فى بوستات توعية وردود على الناس وبتسأل امال فين شغلك ومضيع وقتك، موضحا: “للأسف فى حاجة مكنتش حابب أتكلم فيها دلوقت عشان مبقاش سبب ذعر وقلق للناس اللى بطمنهم باستمرار، ولأنها حاجة متوقعة لكل طبيب وكل لما الفترة تطول فرصة حدوثها بتزيد، لكن فى ناس ظلمانى ولازم أوضح لهم حاجة مهمة وأنا مش زعلان منهم على فكرة”.

وكشف علام: “بس الحمد لله اتشخصت كوفيد 19 إيجابى من يوم 6-4، أنا كنت عارف من أول يوم إنى معرض لكده وراضى، ده شغلى وأنا مش زعلان ولا كنت خايف والحمد لله هتكمل على خير، وحالتى اتحسنت كتيير وإن شاء الله قريب أتحول سلبى وأروح، دى الحقيقة اللى كنت مخبيها باختيارى، أنا اللى طلبت محدش يعرف عشان أهلى ميقلقوش، اللى بيعدو الأيام وهما عارفين اللى أنا فيه، وآسف إنى اتأخرت كل ده محبتش أعرفهم غير لما أكون بقيت كويس، وآسف للناس اللى بطمنها باستمرار إنى مقلتلكمش بس إن شاء الله هتعدى والتزموا باللى بننصح بيه”.