استشارات طبيةالأخباراهم الأخبار

د محمود عبد المجيد يوضح الفارق بين فيروس كورونا الجديد القديم

أكد الدكتور محمود عبد المجيد استشارى الامراض الصدرية ومدير مستشفى صدر العباسية الاسبق ان الاصابة بفيروس كورونا تحدث نتيجة انتقال العدوى من مريض مصاب بالفيروس لشخص سليم خلال يومين الى سبعة  أيام من العدوى وهى
( فترة حضانة الفيروس وهى الفترة بين العدوى بالفيروس حتى ظهور الأعراض) ..

وعن الفارق بين  الفيروس  الجديد والقديم قال “عبد المجيد ” لموقع صحتك 24 أنه فيروس الجديد متحور من عائلة فيروسات الكورونا ..
ظهر فى ولاية يوهان الصينية كالعادة وعدد المصابين حتى الآن حوالى 440مريض توفى منهم 9 وعدد سكان الولاية حوالى ١٧مليون نسمة ..وظهرت بعض الحالات البسيطة فى بكين وبعض مدن شرق آسيا ..

أعراض كورونا  مثل الأنفلونزا ..
ارتفاع فى درجة الحرارة ٣٨°م او اكتر ..
رشح من الأنف ..
التهاب فى الحلق ..
سعال ..
آلام شديدة فى الجسم..
صعوبة فى التنفس فى حالة الإلتهاب الرئوى..

التشخيص بكون بالتاريخ المرضى والفحص الطبى لمريض مصاب بالأعراض وجاى من منطقة مصابة بالمرض زى الصين ..
وبيتأكد بتحليل إفرازات المريض أو تحليل الدم ..

مفيش علاج متخصص ..
بس علاج للأعراض زى..
الراحة التامة..
وخافض للحرارة..
وأدوية للكحة ..
ومضادات حيوية لو تحول لالتهاب بكتيرى ..

طرق الوقاية ..
مفيش تطعيم ضد الفيروس لغاية دلوقت..
بس غسيل الإيدين بالماء والصابون باستمرار قبل تناول الطعام أو العودة للبيت أو الوصول للعمل ..
عدم لمس الوجه او الأنف أو الفم باليدين على قد مانقدر..
الإبتعاد عن الزحمة ..
السعال او العطس من خلال منديل ورق..
ولو مش متاح ..يبقى وضع كمنا أو أعلى الدراع على الفم والأنف أثناء العطس أو الكحة..

المرض بيشفى تلقائيا بنسبة كبيرة ..
وممكن يتطور لالتهاب رئوى فى الناس اللى مناعتهم ضعيفة زى اللى بياخدوا كورتيزون أو أدوية للأورام أو مثبطة للمناعة ..
أو المسنين ..
أو الأطفال أقل من ٥ سنين ..

الوفاة بتحصل ( لا قدر الله ) بعد الاصابة بالتهاب رئوى وفشل تنفسى .

الرابط المختصر -صحتك 24:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
%d مدونون معجبون بهذه: