الاعلامى شريف مدكور يتبرع بهدايا عيد ميلاده الخمسين لمستشفى اهل مصر

كتب هشام الهلوتى
فى عيد ميلاده الخمسين قرر الاعلامى شريف مدكور التبرع بالهدايا التى يتلقاها لمستشفى اهل مصر لعلاج الحروق.
ونشر شريف على صفحته الشخصية على موقع التواصل الاجتماعي فيس بوك :
النهاردة كان عيد ميلادي الخمسين
عملت حفلة في بيتي وعزمت حبايبي
وطبعا عيد ميلاد يعني هتجيلي هدايا بس انا فكرت ان الهدية تبقى حاجة تانية خالص

فكرت ان الهدية تروح لمستشفى اهل مصر لعلاج الحروق
واتفقت مع ضيوفي انهم يتبرعوا للمستشفى بقيمة الهدية اللي كانوا هيجيبوهالي

فالناس بتوع المستشفى بقوا واقفين على مدخل البيت بياخدوا التبرعات من الناس

النتيجة: ١٢٠ ألف جنيه تقريبا اتجمعوا لصالح مستشفى اهل مصر

انا مبسوط
وشكرا لكل حبايبي اللي شرفوني ونوروني وادوني هدية حلوة لصالح مستشفى بترجع الابتسامة على وشوش الناس.