بقلم-د.محمود عبد المجيد:
العيان المصرى طلباته بسيطة جدا ..
عايز يعرف هو عنده إيه ؟
واللى جاله ..جاله منين ؟
وإزاى مايجيلوش تانى ؟
وحايخف ولا مش حايخف ؟
ولو حايخف .. حايخف إمتى ؟
ولو مش حايخف حيمشى على العلاج على طول ؟
وحايبطله إمتى ؟
وعياه معدى ولا مش معدى ؟
وياخد العلاج إزاى ؟
وعايز يعرف ياكل إيه وماياكلش إيه ؟
ويجيلك تانى إمتى ؟
طبعا عايز يعرف هو واللى عايشين معاه ..
وإذا قدرت تجاوب على الأسئلة دى ..
تبقى بَلِّيتْ ريق العيان المصرى العطشان ..
