مدير مستشفي البدرشين يقدم روشتة العلاج المنزلي لكورونا

قدم الدكتور علي محمد كامل مدير مستشفي البدرشين، روشتة طبية للتعامل مع فيروس كورونا، مؤكدًا انه نظرا لتزايد الحالات المصابة وإعطاء فرصة حجز للحالات الأكثر خطورة من مصابي كورونا وخاصة كبار السن ومرضي القلب والسكر والضغط والامراض المزمنة ولدعم الدولة لتخفيف الضغط علي المستشفيات وللخروج من الأزمة .

طيب تعمل إيه لو ظهرت عليك أعراض:

١- الالزتام بالأمانة مع أصدقائك ولا تعرضهم للأذى وتلتزم بلبس الكمامة.

٢- إجراء التحاليل التالية:
CBC
S. Ferritin
CRP
LDH
D.dimer
Liver Enzymes

٣- لا نقوم بعمل أشعة مقطعية علي الصدر طالما مفيش أعراض تنفسية، لسبب بسيط وهو إن مراكز الأشعة أصبحت موبوءة بالكورونا نظراً لتهافت الناس على إجراء الأشعة.

٤- لقيت عدد كرات الدم البيضاء قليلة والخلايا الليمفاوية lymphocytes قليلة والفيرريتين Ferritin عالي واللاكتات ديهيدروجينيز LDH عالي والدي دايمر D dimer عالي ، وفيه صداع وتكسير في الجسم (خد بالك مش شرط يبقى فيه حمى وممكن يكون فيه ارتفاع بسيط في درجة الحرارة) يبقى حضرتك تعتبر نفسك مصاب بالكورونا وتاخد الاجراءات الوقائية الصارمة بعدم الاختلاط بأي إنسان..

٥- تقعد مع نفسك في مكان فيه تهوية جيدة.

٦- اشتري الأدوية التالية:
هيدروكسي كلوروكين ٢٠٠ ملجم
اوسيلتامفير ٧٥ ملجم
باراسيتامول ٥٠٠ ملجم
ترمومتر زئبقي
ماسك جراحي
مطهر للأيدي

٧- ابدأ كالآتي:
هيدروكسي كلوركين ٢٠٠ ملجم قرص كل ١٢ ساعة لمدة ٦ أيام
اوسيلتامفير ٧٥ ملجم كبسولة كل ١٢ ساعة لمدة ٥ ايام
باراسيتامول ٥٠٠ ملجم قرص كل ١٢ ساعة
اكتوزنك كبسولتين صباحا
فيتامين سي ١ جم كل ١٢ ساعة
كبسولة أوميجا ٣ كل ١٢ ساعة
كيس فوار أسيتيل سيستايين ٦٠٠ مجم كل ١٢ ساعة
.. ملحوظة: لا قدر الله لو بدأ نفسك يضيق وبقيت تكح باستمرار، ابدأ فورا بالتحرك للمستشفي لإعادة التقييم
.. ملحوظة: لو انت مريض ضغط أو سكر أو قلب أو كلى أو كبد، التزم بعلاج السكر والضغط وتتابع قياسهم باستمرار مع مراجعة طبيبك في امكانية اخذ هذه الادوية و الجرعات المسموح لك بتناولها .
.. ملحوظة: مش محتاجة يعني نقول إن الشيشة والسجاير ممنوعين طبعاً..
بإذن الله لو التزمت كويس هو أسبوع وكل الأمور هتروق..
٨ – في حالة الالتزام الكامل والتام بكل ما سبق، لكن حدث تصاعد في ضيق التنفس وقلة الأوكسجين، هنا مفيش هزار لازم حضرتك تتوجه لأي مستشفى علي الفور لعمل جلسات دعم تنفسي غير تداخلي بجهاز CPAP او لا قدر الله قد يتطلب الأمر وضع المريض علي جهاز تنفس صناعي لفترة لحين تحسن حالة الرئتين..
الكلام ده ضروري جدااا تطبيقه للخروج من هذه الازمة وافساح المستشفيات للحالة الحرجة
استعن بالله واوعى تخاف وتقلق علشان القلق بيدهور المناعة، واشرب سوايل علي قدر المستطاع مش أقل من ٣ لتر في اليوم مع التركيز علي عصير البرتقال والليمون والجوافة وأكل بروتينات و خضار وفاكهة اللي تقدر عليه وابعد عن السكريات والدهون احترس من الافراط في النشويات .
المكتوب ده هو اسقاط للبروتوكولات العلمية على الواقع اللي اتفرض علينا خلاص، بدل ما تتوتر وانت بتدور على مستشفى عزل ومش لاقي، وبيتطلب منك تقعد في البيت وانت مش عارف تعمل إيه، وربنا يزيح الغمة .. لأن طاقة النظام الصحي مستحيل تستوعب كل الحالات فنخليها ونوفرها للحالات اللي مستاهلة بس، يا ريت نساعد نفسنا والآخرين على قدر المستطاع .
وأنهي حديثه بقوله حفظ الله مصر وشعبها وأزال هذا الوباء وأنعم علي مصر الأمن والأمان