ليس دفاعا عن الوزيرة
بقلم –محمود عبد المجيد:
تسائل النائب احمد السجينى رئيس لجنة الإدارة المحلية “هل الأزمة هى أموال أم إدارة؟” وذلك .أثناء الإستجواب المقدم من محمد الحسينى عضو مجلس النواب حول الاهمال فى مستشفى بولاق الدكرور العام .
وكان الرد أن الأزمة في الإدارة، وان منع الكلاب الضالة من دخول المستشفى، أو المجاري الطافحة لا يحتاج لأموال كثيرة وإنما يحتاج لرقابة وضمير
وأمانة. ”
بالرغم من رأيى السلبى فى وزيرة الصحة ..
إلا إنى لا ادافع عنها عندما اقول ان ده كلام غير صحيح ..
المجارى الطافحة طبعا محتاجة فلوس ..وفلوس كتيرة كمان ..لان اكيد محتاجة تغيير شبكة الصرف جوة المستشفى وبرة ..
وحتى لو كانت مشكلة بسيطة فمحتاجة لعمالة مدربة ودائمة او محتاجة لعمال الصرف الصحى للتسليك ..ودول لازم ياخدوا الشاى بتاعهم !!
أما الكلاب الضالة فهذه مشكلة البلد كلها ..لان الكلاب منشرة بالشوارع فى كل مكان ..بسبب القمامة ..
وأبواب المستشفى مفتوحة للمرضى ولسيارات المرضى والعاملين وللإسعاف ..والعمالة قليلة جدا .. ومجهدة ومرتباتهم ضعيفة وماحدش يقدر يجازيهم لانهم مش حيتأثروا بالجزاء القانونى ..ان ماكانش يغيبوا عن العمل ويزودوا نقص العمالة ..
وهل العمال حيقعدوا يجروا ورا الكلاب !!
أما الضمير والأمانة فدول مالهمش اى دور فى الدول المحترمة الديمقراطية اللى فيها رقابة من صحافة حرة فعلا ..ومن مجلس نيابى منتخب إنتخاب حقيقى طبقا لقانون انتخابات عادل ومنصف ..
