الدرجة الثالثة!

بقلم-د.محمود عبد المجيد:

النهاردة سافرت دمنهور ورجعت بقطار العادة او الدرجة التالتة ولاحظت ان القطار تحول بقدرة قادر الى سوق مفتوح للباعة الجائلين يعرضون فيه بضائعهم من كل صنف ولون..وطوال الرحلة  التى استمرت اكثر من  ساعتين لم تنقطع نداءات الباعة وهذا بعض مما سمعته اليوم :
– ياللا حلاوة سمسمية ..عسلية..
– عسسسسسلية بجنى..
– خمسة ناسكافيه ياباشا بجنى..

-كل المجموعة دى بعناها بعشرة ..ستاشر قطعة بعشرة ..ولا إستغلال المحلات ولا المكتبات ..

– فرش جزمة ..كوتشى ينفع ..حريمى ينفع ..بخمسة جنى ..

– أربعة مِشَبَّكْ بعشرة ..ياللا بعشرة ..

– حجر ولاعة ..إتنين أنبوبة أمير بخمسة جنيه ..

– تلاتة بخمسة ..تلات ولاعات بخمسة ..فى البيت ..فى المطبخ ..

– إتنين بخمسة ..أربعة بعشرة ..تاريخ صلاحية ..تاريخ إنتاج ..ياكل حاجة حلوة ..حاجة نضيفة ..

– اللى عايز شنطة جلد ..محفظة.. سلسلة ..

– تلات رسومات بخمسة جنى ..خمس شرابات بعشرة جنى ..

– حلى بقك بخمسة جنى ..

– تلاتة طوكة بخمسة جنى ..

-اللى عايز سماعة نضيفة ..وصلة نضيفة ..باور بانك ..

– المصرى اليوم ..المسا ..الجمهورية بتلاتة جنيه ..

– اللى عايز الحمص حلاوة ..لب ..حمص ..

-معاك كوفية رجالى جميع الأشكال بعشرين جنى الكوفية ..

– حد عايز يجرب يشم ريحة حلوة ..

عايزين نقابة للباعة الجائلين ضرورى .. !!!