الانفلونزا موضوع الساعة..كيف نحمي أولادنا وأنفسنا من العدوى؟
نصح الدكتور احمد جادو استشارى الاطفال باتباع ارشادات تحمى الاطفال والكبار من عدوى الانفلونزا ،مشيرا الى ان الانفلونزا هى موضوع الساعة ،وقال ان كل الأطفال والكبار دلوقتي عندهم كحة ورشح وحرارة وفي بعض الأحيان بيكون مصحوب باسهال وترجيع والدور يقعد يومين ويتحسن وبعدين تبقى يرجع تاني او تظل الكحة بس، طبعا ده دور انفلونزا
طيب ازاي نحمي اولادنا وأنفسنا من العدوى؟
١- نغسل ايدينا كويس بالماء والصابون العادى .
٢- نتجنب الأماكن المغلقة غير جيدة التهوية.
٣- نستعمل المنديل مش ايدينا ونرمي المنديل بعد الاستخدام مباشرة.
٤- نتجنب لمس الانف والفم وايدينا مش مغسولة.
٥- عربات التسوق ومقابض أبواب المترو والعربات والاتوبيسات غالبا عليها الفيروسنلذلك يجب غسل الايدى كما قلنا بالماء والصابون .
٦- الفيروس بيعيش حوالي ٧ ساعات على الأسطح الصلبة،لذلك يجب تنظيفها ايضا بالماء والصابون او اى مطهر.
٧- فتح النوافذ بلاش المروحة لأنها بتساعدعلى نقل العدوى وتوزيعها.
٨- بلاش عند السلام نبوس بعض كفاية السلام بالأيدي،وبالش الاحضان.
٩- التطعيم بيكون نص الجرعة من سن ٦ شهور لسن ٣ سنين والجرعة كاملة بعد ٣ سنين
١٠- الست اللي بترضع تاخد التطعيم عادي
١١- الست الحامل تاخد التطعيم عادي جدا مافيش مشكلة
١٢- لو فيه اي مشاكل في الصدر زي ضيق النفس الشديد نتوجه مباشرة للطبيب
١٣- بعد التطعيم بكام يوم بيحصل أعراض شبيهة بأعراض الأنفلونزا ده عادي
١٤- ناكل كويس نشرب سوايل دافية كتير
١٥- اهم ناس لازم ياخدو التطعيم هما كبار السن والأطفال تحت سنة والمصابين بالامراض المزمنة والحوامل والمصابين بنقص المناعة.
