الدكتور احمد فتحى يكتب لازم الشعب يتعلم تشخيص الكورونا
علشان مبقاش في أماكن في العزل ولا هيتعمل مسحات الايام الجاية
لازم الشعب يتعلم تشخيص الكورونا وأنه يكتشف بنفسه عشان كدا مطلوب منك تقرأ الكلام دا بتأنى …
ازاي تعرف انك مصاب لا قدر الله ؟؟
اللي هقوله ده اعراض وشكوي ناس بالفعل اتصابت واتشخصت الأعراض بتبدء غير تنفسية تماما !
في البداية الأعراض متفاوته في شدتها لكن في جملة كدة كنت دايما بسمعها من المصابين في البداية مكنتش بديها اهتمام لكن ده عرض مهم جدا ويمكن يكون مفتاح في التشخيص كمان
١_ ( انا يا دكتور مش طايق الاكل ولا حتي بحب ابص له)#فقدان_شهيه_تام
٢_العرض التاني بيكون #مغص_بسيط_بالبطن مصحوبا ب #اسهال
٣_في المرحلة دي بتبدء درجة الحرارة تعلي بشكل طفيف ومتقطع لا تزيد عن ٣٧.٨
في المرحلة دي لو طلبت S.Ferittin هتلاقي عالي او ابتدي يعلي مع انزيمات الكبد
اسوء حاجة انك في المرحلة دي انك هتتشخص #نزلة_معوية.
٤_بعد يومين هيبتدي المصاب يحس بارهاق والم شديد بالجسم #شواكيش_في_عضمي. يا دكتور محستهاش قبل كدة
المرحلة دي هي مرحلة ال lymphopenia لو أتعمل صورة دم في الوقت ده هتشوفها بوضوح
٥_بعدها بيوم او ٢ بتبدء اعراض الجهاز التنفسي
من #الم_في_الحلق و #كحة و #صعوبة_في_التنفس
…….
#المطلوب دلوقت ايه لأننا قريب ان شاء الله داخلين علي العيد وده لا قدر الله ممكن تبقي نقطة انفجار في ازدياد حالات الإصابة
كل الطرق الوقائية وأهمها الكمامة اللي للأسف في ناس بتتنمر عليها
ومش هحكي عن الوقاية لانه خلاص العيال الصغيرة حفظت الكلام ده
اي حد هتظهر عليه اعراض
_ارجوك #اعزل نفسك عزل تام في غرفة منفصلة في بيتك ولا تشارك اي أدوات وخصوصا أواني الطعام وقبل اي حاجه العامل النفسي مهم جدا ٥٠ % من حالتك الصحيه متوقفه على العامل النفسي
_ #عقم كل حاجة هتلمسها في طريقك وانت طالع من غرفتك للحمام
_ #حافظ علي مسافة متر ونص بينك وبين اي حد من أهلك هتضطر تتعامل معاه
_ #احرص علي شرب كمية سوائل كتير
_ #هتاخد بنادول قرصين كل ٦ ساعات
_ #وزيثروماكس اول يوم ٥٠٠ مجم وأربع ايام ٢٥٠ مجم يوميا
عارف انه مرض فيروسي لكن الزيثروماكس اساسي في معظم بروتوكولات العلاج
_ #زنك جلوكونات ٧٦ مجم مرة يوميا ( مهم جدا لانه بيوقف تضاعف الفيروس)
_ #فيتامين سي قرصين يوميا.
وبما إنك بتقرأ البوست ده دلوقتى يبقي واجب عليك توعي أهلك وكل اللي حواليك إنهم يلتزموا ويخليهم في البيت ويحافظو على نفسهم ويتبعوا التعليمات .
تعديل : لصعوبه الرد على كل الاسئله في الكومنتس ، اي استفسار هرد عليه في الخاص .
#ربنا_يستر_على_الجميع
#دمتم_سالمين
